FUNCTION FIRST.
SMILE FOLLOWS.

ÇDO PLAN I SAKTË FILLON ME TË DHËNA TË SAKTA.

Procesi fillon me skanimin intraoral, fotografitë klinike, CBCT/DICOM dhe të dhënat e rastit.

Në protokollin Dentsplan, CBCT është i detyrueshëm për segmentimin kockor dhe të rrënjëve, duke krijuar bazën për një planifikim të detajuar të trajtimit.

Që në këtë fazë vlerësohen densiteti dhe struktura kockore, numri dhe pozicioni i rrënjëve, artikulacioni temporomandibular, si dhe elementë individualë si dhëmbët supranumerarë dhe agenezitë.

Sepse përpara se të planifikojmë lëvizjen, duhet të njohim strukturat brenda të cilave ajo do të ndodhë.

Në Dentsplan, plani i trajtimit realizohet nga dentistë, jo nga laborantë.

Çdo pacient ka një plan unik trajtimi, të lidhur me densitetin dhe strukturën kockore, numrin dhe pozicionin e rrënjëve, artikulacionin temporomandibular dhe faktorët e tjerë individualë.

Lëvizja e dhëmbëve planifikohet stage pas stage, duke respektuar biomekanikën dhe ankorimin. Në çdo hap mund të vizualizohen lëvizja e dhëmbëve, lëvizja e rrënjëve, modelimi kockor dhe okluzograma dinamike.

Planifikimi merr në konsideratë edhe shmangien e parakontakteve traumatike gjatë lëvizjes — si ndërmjet dhëmbëve të së njëjtës nofull, ashtu edhe ndërmjet dy nofullave.

Kur rasti e kërkon, mund të krijohet më shumë se një plan trajtimi për të njëjtin pacient, përpara se mjeku të zgjedhë dhe aprovojë drejtimin përfundimtar.

ÇDO LËVIZJE. FORCA E DUHUR. NË VENDIN E DUHUR.

Një plan trajtimi nuk përcakton vetëm ku duhet të shkojë një dhëmb, por edhe si duhet të arrijë atje.

Lëvizjet ndërtohen stage pas stage, duke respektuar biomekanikën, ankorimin dhe protokollet e shpejtësisë së lëvizjes, në raport me densitetin kockor, numrin dhe pozicionin e rrënjëve dhe faktorët individualë të pacientit.

Attachments dizajnohen duke respektuar forcat e nevojshme për çdo dhëmb. Kur është e mundur, përdoret forcë e dedikuar në pika specifike të aligner-it, për të shmangur attachments të tepërta.

Sipas nevojës së rastit, planifikimi mund të përfshijë frontal ramps, pontics për dhëmbët e munguar, elastikë, TADs dhe PADS për korrigjimet e klasave.

Planifikimi ndjek gjithashtu një tendencë për IPR minimale, gjithmonë në varësi të kërkesave klinike të rastit.

PLANI ËSHTË NË DUART E MJEKUT.

Pasi planifikimi 3D përfundon, mjeku mund ta shqyrtojë trajtimin hap pas hapi, përpara se të fillojë prodhimi.

Mund të kontrollojë pozicionet, lëvizjet, rrënjët, okluzionin dhe mekanikat e parashikuara të trajtimit.

Nëse kërkohen ndryshime, mjeku mund të modifikojë planin direkt ose t'i lërë ekipit Dentsplan udhëzimet për modifikimet e kërkuara.

Plani rishikohet dhe përditësohet derisa të arrihet versioni që mjeku dëshiron të aprovojë.

ASNJË RAST NUK KALON NË PRODHIM PA APROVIMIN E MJEKUT.

Pas kontrollit dhe modifikimeve të nevojshme, mjeku jep aprovimin përfundimtar të planit të trajtimit.

Vetëm atëherë rasti kalon nga planifikimi dixhital në prodhim.

Kjo e mban vendimin klinik aty ku duhet të jetë:

TE MJEKU.

NGA PLANI DIXHITAL TE ALIGNER-I.

Pas aprovimit final fillon prodhimi i fazës së planifikuar të trajtimit.

Çdo rast prodhohet sipas planit të aprovuar dhe organizohet individualisht për pacientin. Procesi përfshin teknologjinë e prodhimit, formimin dhe përpunimin preciz të aligner-ave, prerjen me laser dhe kontrollin e çdo faze.

Çdo kuti ka identifikimin dhe barcode-in e vet, duke ruajtur gjurmueshmërinë e rastit nga plani dixhital deri te aligner-at që merr pacienti.

NE NUK VERIFIKOJMË VETËM DESTINACIONIN. VERIFIKOJMË EDHE RRUGËN.

Trajtimi nuk lihet të ecë vetëm mbi bazën e planifikimit fillestar.

Gjatë rrugës realizohet një Mid-Treatment Check Scan, i cili përdoret për MATCH — krahasimin e pozicionit real të dhëmbëve me pozicionin e planifikuar në atë fazë të trajtimit.

Nëse ecuria përputhet me planin: ON TRACK → CONTINUE

Nëse identifikohet nevoja për përshtatje: ADJUSTMENT NEEDED → RE-EVALUATE → UPDATE PLAN → CONTINUE

Sepse një plan i mirë nuk duhet vetëm të projektohet.

DUHET TË VERIFIKOHET GJATË RRUGËS.

TRAJTIMI NDIQET DERI NË FUND.

Pas verifikimit, trajtimi vazhdon sipas planit ose sipas përshtatjeve të bëra gjatë procesit.

Çdo fazë e mëtejshme ruan të njëjtën logjikë: kontroll, verifikim dhe vazhdim, duke respektuar biomekanikën, strukturat biologjike dhe objektivat klinike të pacientit.

Në përfundim të trajtimit aktiv, procesi vazhdon me retainimin e duhur, për të ruajtur rezultatin e arritur.

Sepse për Dentsplan, trajtimi nuk përfundon kur vendoset aligner-i i fundit.

PËRFUNDON KUR REZULTATI ËSHTË ARRITUR, KONTROLLUAR DHE STABILIZUAR.